主页 > 疯狂门户 >缺德登山客!大帽山惊现 10公斤垃圾帐篷 网友怒轰:咪再行 >
缺德登山客!大帽山惊现 10公斤垃圾帐篷 网友怒轰:咪再行

不少人都趁长假期去到郊外行山甚至露营,「自己垃圾自己带走」、Leave No Trace向来行山郊游的基本礼仪共识,但圣诞过后,有本地行山人士 Celia Fung 行经大帽山时,就在山顶位置发现一个满载垃圾和物资的帐篷,入面有超过十公斤垃圾、内有大量可重用露营物品,却在无人看管情况下被遗弃在路旁,她与友人合力把垃圾带着到垃圾桶处理,及后表示嬲到瞓唔着,深夜在Facebook发文呼吁:「我严重警告所有唔识回收同处理自己垃圾嘅人咪_ 再行山露营扮亲亲大自然!」

片段及文字授权: [email protected] Fung

缺德登山客!大帽山惊现 10公斤垃圾帐篷

缺德登山客!大帽山惊现 10公斤垃圾帐篷  网友怒轰:咪再行

Celia今早再向 GOtrip 编辑透露,垃圾帐篷是在27/12中午12:00左右见到,位置在大帽山近山顶地方,该地区绝对不是正规营地,相信是市民见有空间就乱起的。而为了把这袋重十多公斤的垃圾搬到垃圾桶,她们行了约3-4km(约20多分钟路程),事后实在忍无可忍,便拍片及在 Facebook 发文,全文如下:

《我严重警告所有唔识回收同处理自己垃圾既人咪撚再行山露营扮亲亲大自然》

为免标题唔够清楚 我要再重申一次: 「我严重警告所有唔识回收同处理自己垃圾既人咪撚再行山露营扮亲亲大自然」

作为一个锺意行山既人 每一次係山度见到垃圾 都无明火起 行两步地下又有胶樽 行多两步又有食物包装 影张相又有张纸巾係地

为左安慰自己香港人唔係咁冇质素 亦都相信行山人士多数都係珍惜香港大自然 我就当个d纸巾食物包装只係个行山人士係个袋度罗野既时候唔小心跌出黎 绝对绝对绝对唔係有心的

但係 今日呢单野 真係触及左我条底线

做乜撚野係大帽山山头会有一个烂左既营仲要装满左垃圾係里面?

初头同友人经过见到一堆白色野係侧边 都未有为意佢係咩 骤眼睇见到有d食物包装 仲立心不良谂住係咪可以係人地个营度偷两包薯片食

但係周围都冇人 而佢放既位置又实在太古怪 再望多两望打开黎睇…

屌!垃圾!全部都係垃圾!

2人合力清理垃圾帐篷,惨遭白眼成代罪羔羊

唔係 我收返 係撇除仲用得既地垫较剪匙营灯 可以回收既水樽铝罐等等… 剩低个两成既纸巾厨余先係垃圾

第一反应 呆左 第二反应 爆嬲加用从未试过咁流利既粗口破口大骂闹到对面狮子山都听到 第三反应 係度谂究竟点样处理呢堆野好?

同友人两个实在唔想见到堆垃圾放係路边 唯一既办法就係 夹手夹脚由山头罗返落去有垃圾桶同垃圾车到达到既地方处理左佢

但係 我真係唔係好明个物主点样可以用到呢个营周围都係窿 我地一路行 D垃圾就一路跌 跌完支营棍又到把较剪 唯有一路行一路执

行落山既沿途仲要不断受尽白眼 俾人觉得d垃圾好似係我地两个製造咁 无辜地变左做代罪羔羊

结果 我地两个人用左廿几分钟 先将呢堆足足重超过十公斤既垃圾由山头送到落个垃圾桶度

而係唔忍心见到d胶樽铝罐都俾人掉走埋 係冇手套既情况底下只可以略略将见到既回收物放返係个回收桶度

缺德登山客!大帽山惊现 10公斤垃圾帐篷  网友怒轰:咪再行
Celia 打开帐篷,发现入面有大量垃圾
帐篷内搭获会员卡,山友怒斥「唔识带走垃圾唔好再嚟郊外啦!」

点知 摷摷下 俾我地係堆垃圾发现左张会员证写住「L Wan」既然係咁 我就衬呢个机会同呢位「L Wan」先生/小姐说说我既心底话:

「你好 我同友人今日係山头发现左一堆重成超过十公斤既垃圾 被人弃置左係大帽山山头

如果呢堆垃圾你冇份製造 只係俾人插赃嫁祸 又或者 你有份製造 但只係暂时放低 比我地迟左一步带走做回收分类同处理 咁 请你原谅我地误会左你

但係 如果堆垃圾你有份 而你又特登将佢留低係大帽山山头 觉得呢件事完全无问题 亦唔会作出任何改善

咁 我恳请你以后唔撚好再踏入郊野公园任何一步

我相信 任何一个有良知 有公德心既人 都唔会狠心将一堆咁重既垃圾放係山边

阁下係咪谂住山头会好似旺角街头随时有无所不在既清洁工帮你执手尾清走垃圾?

缺德登山客!大帽山惊现 10公斤垃圾帐篷  网友怒轰:咪再行

试问阁下知唔知一个清洁工要将咁多人掉既垃圾罗落山 係一件几咁辛苦既事 如果个清洁工係你阿爸阿妈老婆老公男女朋友仔女甚至乎係你自己 你会唔会都咁样亳不留情掉係山头?

定係你对垃圾同回收桶有认知障碍 唔知垃圾同回收物应该放係边?容许我建议你先係屋企慢慢学下点样用垃圾桶同回收桶 再踏足街头同山头 再者 我相信你係屋企都唔会随手将垃圾掉落地塞入衣柜扫落床底 因乜解究去到街头或者郊野公园阁下就会变得毫无自制能力?

如果你未生小朋友 我真係恭喜你 唔会再有一个心智未成熟既小朋友俾你作出极度错误既身教 而若果你有仔女下一代或下下一代 我会劝喻你唔好带佢地上山头 当佢地以为係山度乱咁掉垃圾才是正常事 我相信「垃圾山」既出现都不远矣

好多人上山头 係因为厌倦左係市区见到既各种生活病态 形形式式既商场 认为係野外可以搵到令佢地喘息既空间

但係好多人将係城市既生活习惯带到落郊区 结果 係市区经常见到既问题 已经逐步逐步係郊区浮现 再係咁 郊野公园变成另一个堆填区 都应该指日可待

最后 其实我係市区度执垃圾做回收真心做到有d攰 先希望可以係假日到郊区避下世 你地係咪咁都唔可以放过我 你班仆街俾我抖下得唔得?」


上一篇: 下一篇: